Orce Gjorgjievski, aktualisht kryetar i komunës së Kisella Vodës dhe kandidat për kryetar të Qytetit të Shkupit, foli në një intervistë në radio për zhvillimet aktuale rreth zjarreve.
“Ne së pari po përballemi me njerëz të pamoralshëm të cilët, për të përfituar politikisht, janë të gatshëm të rrezikojnë edhe jetë njerëzish. Duhet të shikojmë objektivisht. Edhe Kryeministri e tha dje – kush përfiton nga e gjithë kjo dhe kujt i konvenon një situatë e tillë që ta mashtrojë popullin dhe kjo të bëhet temë kryesore.”, tha Gjorgjievski.
Ai theksoi se nëse do të ishte vetëm një rast i tillë, do të mund të bëheshin supozime të ndryshme, por sipas tij – edhe pse shton se ka institucione për këtë – hetimi duhet të fokusohet dhe të zbulojë kush përfiton nga këto ngjarje.
“Nëse më herët nuk kishte prova materiale në raste të tjera, tani kemi provë materiale. Është e qartë që hetimi duhet të shkojë në drejtim të gjetjes së atij që ka interes nga kjo situatë. Nëse do të kishte ndodhur vetëm një rast i tillë dhe të kishte një video nga ai rast, atëherë do të mund të kishim hamendësime të ndryshme për arsyet.”, shtoi ai.
“Në një periudhë prej 20 ditësh, kur për disa parti dhe grupe politike tema kryesore e fushatës është ndotja e ajrit në Shkup – për të cilën kanë pasur vite me radhë mundësi të ndikojnë dhe të përmirësojnë situatën – nëse kjo është obsesioni i tyre ditor dhe tema e vetme për të cilën flasin publikisht disa herë në ditë, atëherë mendoj se të gjithëve duhet t’u jetë e qartë. Unë vetëm po analizoj objektivisht faktet dhe se kush përfiton nga kjo. Kujt i shkon kjo në favor.”
