Gjysma e qytetarëve në Maqedoninë e Veriut besojnë se bashkësia ndërkombëtare duhet të përfshihet në procesin e përzgjedhjes së gjykatësve dhe prokurorëve.
Këtë e bën të ditur anketa e fundit e realizuar nga Instituti për Hulumtime Politike në Shkup për #Detector, përcjell INA.
Sipas anketës, 47,8% e qytetarëve mendojnë se faktori ndërkombëtar duhet të përfshihet në procesin e përzgjedhjes së gjykatësve dhe prokurorëve, ndërsa 36,1% mendojnë se nuk duhet.
Sipas strukturës etnike, maqedonasit dhe shqiptarët në shumicë mendojnë se bashkësia ndërkombëtare duhet të përfshihet në procesin e përzgjedhjes së gjyqtarëve dhe prokurorëve. Në këtë pyetje 62.4% e shqiptarëve thonë se duhet të ndodhë kjo, ndërsa 42.7% tek maqedonasit.
Rreth 50.9% e të anketuarve janë të mendimit se prokurorët nga jashtë duhet të përfshihen në disa procese gjyqësore të profilit të lartë, ndërsa 35.1% mendojnë se nuk duhet të përfshihen.
Më shumë se tre të katërtat e qytetarëve ose 78.6% mendojnë se duhet bërë një vetting në gjyqësor, pra të kontrollohet pasuria e gjyqtarëve së bashku me çështjet gjyqësore në të cilat ata janë përfshirë nën monitorimin e komunitetit ndërkombëtar. Vetëm 10.7% mendojnë se vettingu i gjyqtarëve nuk është i nevojshëm. Shumica e qytetarëve janë në kërkim të ekspertëve të huaj në Komisionin Kundër Korrupsionit. 53.2% mendojnë se për të forcuar ndikimin e tij duhet të përfshihen ekspertë të huaj në Komisionin Kundër Korrupsionit, ndërsa 31.2% mendojnë se nuk duhet.
Shumica e të anketuarve besojnë se përpjekjet e Shteteve të Bashkuara për të luftuar korrupsionin nuk do të kontribuojnë në uljen e tij. Këtë qëndrim e ndajnë 46% e të anketuarve, ndërsa 38.7% besojnë se përpjekjet e Shteteve të Bashkuara do të na ulin korrupsionin. Shumica e tyre janë shqiptarë etnikë. Në mesin e tyre, madje 57,8% besojnë se përpjekjet e SHBA-së për luftimin e korrupsionit do të kontribuojnë në zvogëlimin e tij, që është diametralisht e kundërt me 52,1% të maqedonasve që besojnë se përpjekjet e SHBA-së nuk do të na ndihmojnë në uljen e korrupsionit.
Ka pikëpamje të ngjashme për pyetjen nëse lista e zezë e shpallur e zyrtarëve të lidhur me korrupsionin do të ketë ndikim në sjelljen e tyre. Kështu mendojnë 43.5% e qytetarëve se nuk do të ketë ndikim, ndërsa 38.2% se do të ketë njëfarë ndikimi.
Anketimin e opinionit publik për Detektorin e ka bërë Instituti për Hulumtime Politike Shkup në një mostër përfaqësuese prej 1115 të anketuarve në periudhën 01-04 shkurt të këtij viti. (INA)
