GazetaMax
Lajme

Greva në arsim është pezulluar, nxënësit prej nesër kthehen në shkolla

Shkup, 28 prill – Sindikata e Arsimit, Shkencës dhe Kulturës (SASHK) e pezullon grevën, ndërsa nxënësit prej nesër fillojnë me mësim. Shkak për vendimin e tillë të SASHK-ut është njoftimi i marrë nga Ministria e Punës dhe Politikës Sociale për zgjidhje paqësore të kontesteve të punës.

Kryetari i SASHK-ut, Jakim Nedellkov sot pasdite deklaroi se pas konsultimeve të bëra me persona juridikë, është marrë vendim që greva të pezullohet derisa zgjat zgjidhja e kontestit.

“Ky është vetëm respektim i ligjit, nëse nuk merremi vesh, përsëri do ta aktivizojmë grevën. Jemi të bindur se jemi në periudhën paqësore që t’i gjejmë zgjidhjet adekuate dhe se nuk do të ketë nevojë që ta aktivizojmë grevën”, deklaroi Nedellkov.

Shfaqi shpresë se pagat do të rriten, mëditjet gjatë kohës së grevës nuk do të shkurtohen dhe se marrëveshjet kolektive do të nënshkruhen dhe përcaktohen me afate. /Zhurnal.mk

Related posts

Ndihma emergjente mjekësore me rekomandime për festat e Vitit të Ri

Gazeta Max

Osmani dhe ambasadori Qehaja, në shenjë të fqinjësisë së mirë do të mbjellin fidane në parkun e Çairit

Gazeta Max

Makpetroli në nëntor nuk do të dërgojë gaz për ngrohtoret Lindje dhe Perëndim

Gazeta Max