Shkup, 11 shtator – Një grup prej personave të rinj ambicioz dhe të talentuar, këtë fundjavë ishin pjesë e “Kabinetit të hapur për nxënës të talentuar”, në bashkëpunim me shoqatën e informatikëve të Maqedonisë.
Presidenti i shtetit Stevo Pendarovski në profilin e tij në Fejsbuk publikoi se krahas vizitës në Vila Biljana dhe mundësisë që të informohen më shumë për punën dhe kompetencat e presidentit, nxënësit kanë pasur edhe dy sesione profesionale me prezantimin dhe zgjidhjet nga olimpiada internacionale për informatikë.
“Vazhdojmë me përkrahjen dhe vlerësimin e nxënësve të talentuar”, ka shkruar shefi i shtetit në profilin e tij në Fejsbuk.
