PSG po shfaq oshilacione në këtë fazë të sezonit. Eliminimi nga Champions League ka sjellë zemërimin e tifozëve, të cilët kanë shfryrë dufin ndaj Neymar, trajnerit dhe drejtuesve të klubit.
Kritikave nuk u ka shpëtuar as Leo Messi për rendimentin e tij të dobët në fushën e lojës. PSG humbi 3-0 në Montekarlo përballë Monacos të dielën, duke regjistruar disfatën e katërt në kampionat.
Kylian Mbappe foli troç pas humbjes me ish-ekipin e tij, duke ftuar shokët e skuadrës të reagojnë dhe të sigurojnë sa më shpejt titullin kampion. PSG kryeson Ligue 1 me 12 pikë më shumë se Marseille e vendit të dytë
“Humbëm ndaj një ekip të fortë, që luajti në kompeticionet europiane. Kundërshtari u fut në fushë për fitore dhe ia doli të vendoste në praktikë planin që kishte përgatitur.
Ata e merituan fitoren kundër nesh, shpresoj që Monaco të sigurojë një biletë europiane për sezonin e ardhshëm. Objektivi ynë është t’i dhurojmë PSG-së titullin e dhjetë kampion.
Mund të fitojmë ndeshje nga 8-0 apo 9-0, në fund përsëri njerëzit do të flasin për eliminimin nga Champions League. Duhet të jemi profesionistë, të kemi më shumë respekt për veten dhe njëri-tjetrin.
Duhet të respektojmë edhe tifozët, të cilët na mbështesin gjithmonë. Në ndeshjen me Monacon nuk e bëmë, nuk treguam fare respekt për veten tonë”, deklaroi ylli i ekipit francez.
Sa e njihni La Ligën?
Testoni njohuritë tuaja mbi kampionatin spanjoll…
Your answer:
Correct answer:
You got {{SCORE_CORRECT}} out of {{SCORE_TOTAL}}
