Në takimin me degën e Alternativës – Çair, lideri i partisë Zeqirija Ibrahimi njoftoi se kanë diskutuar situatën politike në vend, planet për të ardhmen dhe zgjedhjet lokale në vjeshtë.
Njoftimi i Ibrahimit:
Pasditen e sotme pata mundësinë të takohem me kryesinë e degës së Çairit të Alternativës, ku ndamë mendime rreth situatës aktuale politike, sfidave me të cilat përballemi dhe planeve për të ardhmen. Në kuadër të koalicionit VLEN, qeverisja e Alternativës, së bashku me funksionaret tanë, po demonstrojnë një disiplinë dhe përkushtim të jashtëzakonshëm, duke menaxhuar institucionet dhe duke siguruar shërbime cilësore për qytetarët.
Mesazhi kryesor ishte se ndryshimi është kryefjala e zgjedhjeve lokale, përmes koalicionit VLEN. Të bashkuar, të motivuar dhe të përkushtuar, punojmë me përkushtim për realizimin e të gjitha projekteve shqiptare.
