Vajza e ish-Presidentit amerikan ndodhet në Sarandë. Pas motrës së saj të vogël, edhe Ivanka Trump zgjedh Shqipërinë për pushime.
Vajza e ish-Presidentit Donald Trump ka zgjedhur pikërisht jugun për të pushuar, teksa ka preferuar një prej perlave të bregdetit shqiptar, siç është Ksamili, për të cilin po shkruajnë prej kohësh mediat më prestigjioze në botë.
Ajo është fotografuar edhe në një prej hoteleve të rëndësishme të Sarandës, ku dhe ka qenë për të drekuar.
Kjo nuk është hera e parë që Ivanka viziton Shqipërinë. Në vitin 2021 ajo e shoqëruar sërish nga bashkëshorti ishte po në jug të vendit, ku ndër të tjera vizitoi edhe Butrintin.
Vetëm pak ditë më parë e motra e saj Tiffany Trump ishtë po ashtu në Shqipëri, ku dhe vizitoi Tiranën.
Ajo u pa në Padam përkrah bashëshortit të saj dhe pronarit të ‘Klan Kosovës’ Shkëlqim Devolli.
Këtë verë më shumë se asnjëherë tjetër, Shqipëria po bëhet zgjedhja e mjaft personazheve të njohur.
Në fillim të këtij muaji, Jack Ma një nga biznesmenët më të mëdhenj të botës, themeluesi i grupit Alibaba vizitoi për disa ditë Tiranën.
