Në një mesazh të ndjerë dhe motivues me rastin e Ditës Ndërkombëtare të Rinisë, Izet Mexhiti ka shprehur përkrahjen e tij të plotë për të rinjtë e Çairit, duke i vlerësuar si forca e re e shpresës dhe ndryshimit.
“Me rininë, po i thyejmë dyert që dikur ishin të mbyllura nga pushteti i kaluar, dhe po hapim një rrugë të re për të ardhmen e tyre,” shkruan Mexhiti, duke nënvizuar se energjia, idetë dhe guximi i të rinjve janë shtytësi kryesor për ndërtimin e një të ardhmeje më të mirë në këtë komunë me rëndësi historike dhe kulturore.
Sipas tij, rinia e Çairit nuk është më spektatore, por pjesë aktive e zhvillimit dhe vendimmarrjes, duke sjellë frymë të re, qasje moderne dhe vizion përpara. “Rinia jonë po bëhet zëri dhe forca e ndryshimit, duke krijuar shpresë për një vend më të mirë dhe mundësi që deri tani mungonin,” thekson ai.
Mexhiti shpreh bindjen se duke bashkëpunuar me të rinjtë, Çairi do të vazhdojë të jetë jo vetëm qendër identitare, por edhe shembull i zhvillimit gjithëpërfshirës dhe progresiv për brezat që vijnë.
Ai përmbylli postimin e tij me urimin:
“Urime Dita Ndërkombëtare e Rinisë. ✊ #RiniaPërÇairin”
Ky mesazh vjen në një kohë kur rinia në të gjithë vendin po kërkon më shumë hapësirë, mundësi dhe përfaqësim – një thirrje që Mexhiti duket se e ka dëgjuar qartë dhe po i jep përgjigje me veprime konkrete.
