Pas fitores se Listes se Studenteve ne Serbi, kryeministri slloven kerkon hapjen e arkivave te sherbimeve sekrete jugosllave, ndersa akuzat ndaj komisioneres evropiane Marta Kos shkaktojne reagime ne Slloveni
Zgjedhjet ne Serbi dhe fitorja e Listes se Studenteve kane nxitur reagime te shumta ne rajon. Edhe para se te nisin perpjekjet per formimin e qeverise se re serbe, kryeministri slloven Janez Jansha ka vendosur nje kusht per perparimin e Serbise drejt anetaresimit ne Bashkimin Evropian, duke kerkuar dorezimin e arkivave te sherbimeve sekrete te ish-Jugosllavise qe lidhen me Sllovenine.
Sipas raportimeve te mediave kroate, Jansha ka deklaruar se Sllovenia nuk do ta mbeshtese perparimin e Serbise drejt anetaresimit ne BE pa u dorezuar dokumentacioni perkates i ish-sherbimeve sekrete dhe strukturave ushtarake jugosllave.
Ne nje postim ne rrjetin social X, ai ka shkruar se Sllovenia do ta mirepriste vendimin e autoriteteve te reja serbe per t’i pershpejtuar negociatat e anetaresimit ne BE, por ka theksuar se kjo mbeshtetje do te kushtizohet nga dorezimi i arkivave.
“Ne nuk do te japim pelqimin per asnje perparim derisa Serbia t’ia dorezoje Sllovenise te gjitha arkivat e UDBA-se, SDV-se, JNA-se, ZSNZ-se dhe sherbimeve te tjera te ish-RSFJ-se qe lidhen me Sllovenine”, ka shkruar Jansha.
Pas ketij reagimi, ai ka shperndare edhe nje postim te Igor Omerzes lidhur me komisioneren evropiane per Zgjerim, Marta Kos. Pas fitores se Listes se Studenteve ne Serbi, Kos kishte deklaruar se dyert e Bashkimit Evropian mbeten te hapura per Serbine.
Omerza, duke iu referuar librit te tij per Marta Kos, ka ngritur pretendime per lidhjet e saj te meparshme me UDBA-ne, sherbimin sekret te ish-Jugosllavise. Ai ka shkruar se dokumentacioni per kete ceshtje mund te gjendet ne arkiva dhe ka theksuar se hapja e tyre do te ndihmonte ne sqarimin e bashkepunetoreve te mundshem te sherbimit sekret.
“Eshte e mundur qe edhe ky dokumentacion te gjendet. Bashkimi Evropian ka kerkuar prej kohesh qe te hapen te gjitha arkivat sekrete te policise politike, perfshire ate serb. Ata do te duhet ta bejne kete pa mua ose kryeministrin Jansha”, ka shkruar Omerza.
Ai ka shtuar se ceshtja eshte e rendesishme per te sqaruar se si kane funksionuar keto struktura ne Slloveni dhe kush kane qene bashkepunetoret e UDBA-se.
Sipas raportimeve te mediave sllovene, Marta Kos nuk ka komentuar drejtperdrejt keto akuza. Megjithate, ajo i ka mohuar vazhdimisht pretendimet se ka punuar si informatore per sherbimin sekret jugosllav.
Reagime ndaj deklaratave te Janshes kane ardhur edhe nga perfaqesues te politikes sllovene. Deputeti dhe sekretari i partise Svoboda, Matej Grah, ka kritikuar menyren se si, sipas tij, kryeministri po e perdor kete ceshtje ne perplasjet e brendshme politike.
“Nuk kam problem me kete. Ne e dime qe Trump u dogj kur hapi disa dokumente, dhe ndoshta edhe z. Jansha do te digjet. Gjeja me problematike eshte se kryeministri Jansha po e shfrytezon qarte kete situate, kete fitore te demokracise, per perballje te brendshme politike me ata me te cilet nuk eshte pajtuar kurre dhe ndoshta nuk do te pajtohet kurre”, ka deklaruar Grah.
Debati per arkivat e ish-sherbimeve sekrete dhe pretendimet lidhur me te kaluaren e Marta Kos vjen ne nje moment kur rezultati zgjedhor ne Serbi ka hapur diskutime per drejtimin e ardhshem politik te vendit dhe per rrugen e tij drejt Bashkimit Evropian. Ndersa Jansha kerkon qe ceshtja e arkivave te lidhet drejtperdrejt me perparimin e Serbise ne procesin e integrimit, reagimet ne Slloveni tregojne se kjo teme mbetet gjithashtu pjese e debatit te brendshem politik.
Burimi:botasot.info
