Shkruan: Jetmir Asani
Bujar, boll more me këto trillime! Ju që latë pas “SORAVIA” e me xhepa plot nga paratë e kazinove, tani merrni guxim të flisni për “skenarë” e “rrezik”?
Ju që e shitët gjuhën shqipe për një karrige më shumë e i latë shqiptarët me gishta në gojë, na mbani leksione për “marrëveshje”!?
Të gjithë e panë që gjuha shqipe nuk u prek edhe pse ju ulëritët kot sa për t’u dukur se ende jeni gjallë si opozitë!
Latë pas një balancues që u përdor për të ruajtur karriget tuaja dhe u dogjët kur Ligji për Përfaqësim të Drejtë dhe Adekuat ua mbylli gojën.
Tash po mundoheni të bëni panik për regjistrimin e popullsisë, kur vetë e fshitë mërgatën shqiptare nga regjistrat!
Çdo gënjeshtër që hidhni ju kthehet si bumerang. Cila është gropa e radhës në të cilën do të bini, Bujar? Cila është shpifja e radhës që do sajoni për të mbuluar turpin tuaj që shqiptarët e nisën një epokë të re, me punë, me dinjitet dhe pa hajni?
Shqiptarët shohin, shqiptarët nuk ju besojnë më dhe ky është ndryshimi që ju djeg!