GazetaMax
Lajme

Korridori 8 pjesë e rrjetit të Korridorit Evropian “Ballkani Perëndimor – Mesdheu Lindor”

Korridori 8 hyn në Korridorin Evropian për Ballkanin Perëndimor – Mesdheu Lindor, si pjesë e rrjetit të korridoreve kryesore transevropiane. Vendimi i Komisionit Evropian, që këtë propozim ta vendosë në rend dite para Parlamentit Evropian dhe Këshillit të Ministrave është rezultat i nismave të vendeve të Ballkanit Perëndimor, duke përfshirë edhe Republikën e Maqedonisë së Veriut, Bullgarisë, Shqipërisë dhe Italisë, informojnë nga Ministria e Transportit dhe Lidhjeve.

Aktivitetet për fillimin me ndërtimin e projektit më të madh në infrastrukturën hekurudhore – ndërtimin e hekurudhës drejt Bullgarisë, qasjen e përbashkët të vendeve të rajonit si dhe nënshkrimi i deklaratës së Maqedonisë së Veriut, Bullgarisë, Shqipërisë dhe Italisë për lidhje moderne Lindje – Perëndim ishte njohur nga ana e Këshillit të Ministrave të Transportit të Bashkimit Evropian.

“Planet strategjike për ndërtimin dhe modernizimin e këtij Korridori i prezantova edhe në Komisionin Evropian në Bruksel në kuadër të Këshillit të 6-të Ministror të Bashkësisë Transportuese, i cili u organizua nga komisionerja e BE-së për Transport, Adina-Joana Valean. Falënderim për Presidencën çeke, mbështetjes së fuqishme nga komisioneri i transportit Valean, ministrat e transportit nga rajoni dhe drejtori i Sekretariatit të Bashkësisë Transportuese, Matej Zakoshnjek të cilët dhanë argumente serioze për këtë vendim shumë domethënës”, theksoi ministri i Transportit dhe Lidhjeve, Bllagoj Boçvarski.

Me këtë vendim, siç është bërë e ditur në kumtesën e Ministrisë së Transportit dhe Lidhjeve, Korridori 8 transportues evropian si pjesë e Korridorit “Ballkani Perëndimor – Mesdheu Lindor” do të ofrojë vlerë të shtuar dhe mundësi për rritje më të fuqishme ekonomike të rajonit të Ballkanit Perëndimor dhe Bashkimit Evropian.

Related posts

Kasami: Do të propozojmë rregullore të veçantë për rregullimin e raportimit të kafshimit nga qentë endacakë

Gazeta Max

LAJMI I FUNDIT/ Arrestohen tre ish kryetar të komunës së Koçanit

Gazeta Max

Prokuroria e Tiranës mbyll hetimet për çiftin mbretëror! Çfarë veprash penale rëndojnë mbi Princ Lekën, Elia Zaharian dhe babanë e saj!

Gazeta Max