Buteli po hyn në një fazë të re zhvillimi me fillimin e punimeve për ndërtimin e një ure moderne në Radishan. Kryetari i Komunës së Butelit, Darko Kostovski, njëherësh kandidat i VMRO-DPMNE-së për mandatin e dytë, ka shpallur nisjen e këtij projekti madhor që zgjidh një kërkesë disa dekadëshe të banorëve.
“Ura e vjetër, e ngritur me një konstruksion të improvizuar prej çeliku, tashmë mbetet në histori. Po ndërtojmë një urë të re me gjatësi 12,5 metra dhe gjerësi 5 metra, e cila do të mundësojë qarkullimin e dyanshëm të automjeteve në të njëjtën kohë,” ka thënë Kostovski.
Ky investim i ri shënon një hap të rëndësishëm për modernizimin e infrastrukturës në Butel, duke treguar se premtimet po realizohen dhe se komunës i jepet një drejtim i ri zhvillimor.
“E ardhmja jonë është këtu, në Butel. Do ta bëjmë komunën tonë moderne, bashkëkohore dhe të zhvilluar,” u shpreh Kostovski, duke e cilësuar projektin si një dëshmi të përkushtimit për qytetarët dhe për vizionin e një Buteli më të fortë e më të lidhur.
Me këtë projekt sipas Kostovskit, Buteli jo vetëm që zgjidh një problem të kahershëm të qytetarëve, por gjithashtu dëshmon vendosmërinë për të ecur përpara drejt një të ardhmeje më të mirë.
