Kryetari i Kuvendit, Afrim Gashi ka njoftuar se sot ka realizuar një takim me kryetarin e komunës së Gostivarit, Valbon Limani.
Sipas njoftimit, në takim është diskutuar për sfidat dhe zhvillimet në nivel lokal, si dhe për mundësitë e bashkëpunimit mes Kuvendit dhe komunës.
“Shkëmbëm ide për projekte të përbashkëta që do të kontribuojnë në avancimin e mirëqenies së qytetarëve, ndërsa theksova se roli kyç i komunës në mundësimin dhe vënien në funksion të zyrave të deputetëve është një nga mënyrat më efektive për të qenë më afër qytetarëve. U pajtuam për intensifikimin e angazhimeve në ofrimin e mundësive më të mira për qytetarët dhe forcimin e lidhjeve mes Kuvendit dhe pushtetit lokal”, ka deklaruar kryeparlamentari Gashi.
Burimi: alfax.mk
