Kryeministrat Morawiecki, Fiala dhe Jansha do të udhëtojnë në Kiev, për të takuar presidentin Zelensky

Date:

Kryeministrat e Polonisë, Republikës Çeke dhe Sllovenisë do të udhëtojnë të gjithë në Kiev më vonë për të takuar presidentin ukrainas, Volodymyr Zelensky. Vizita u konfirmua nga qeveria polake, e cila tha se qëllimi i udhëtimit ishte “konfirmimi i mbështetjes së qartë të të gjithë Bashkimit Evropian për sovranitetin dhe pavarësinë e Ukrainës”.

Siç thuhet në një njoftim, kryeministri polak Mateusz Morawiecki së bashku me kryeministrin e Republikës Çeke, Petr Fiala, si dhe kryeministrin e Sllovenisë, Janez Jansha do të shkojnë sot në Kiev si përfaqësues të Këshillit Evropian për t’u takuar me presidentin e Ukrainës, Volodymyr Zelensky dhe kryeministrin e Ukrainës, Denis Shmyhal.

“Qëllimi i kësaj vizite është gjithashtu të paraqesë një paketë të gjerë mbështetjeje për Ukrainën dhe ukrainasit”, ka thënë më tej ai.

Ndërkohë kryeministri çek shtoi se vizita zyrtare e Këshillit Europian kishte për qëllim ripërsëritjen e mbështetjes për lirinë dhe pavarësinë.

Një vizitë e tillë vjen në ditën e 20-të, kur ukrainasit po vazhdojnë të përballen me agresionin rus.

Dhe që nga dita e parë atje ka pasur zhvillime të shumta, që nga dëmet e mëdha materiale, po ashtu edhe humbje të jetëve të njerëzve.

Dhe që nga dita e parë atje ka pasur zhvillime të shumta, që nga dëmet e mëdha materiale, po ashtu edhe humbje të jetëve të njerëzve.

Por kjo nuk ka ulur moralin e tyre, përkundrazi. E përveç moralit ata kanë parë një mbështetje të jashtëzakonshme nga e gjithë bota.

E gjitha erdhi pas kërcënimeve disamujore se do të fillojë pushtimin e Ukrainës, presidenti rus Vladimir Putin më 24 shkurt urdhëroi operacionet ushtarake në këtë shtet evropian.

 

e-max
e-maxhttp://gazetamax.mk
www.gazetamax.mk

SHPËRNDAJE

TË FUNDIT

Lajme të ngjashme
Lajme

Dashuri dhe festë për të voglin e yllit Liza

Dihet tashmë se ajo është një yll i muzikës...

Banorët e Rekës të zemëruar: Prerje masive e drunjëve, asnjë investim

Përkundër faktit se në Parqet Nacionale me ligj është...

Klinika Universitare Reumatologjike pjesëmarrëse në Kongresin Reumatologjik EULAR 2023 në Milano

Klinika Universitare Reumatologjike me stafin e saj merr pjesë...