GazetaMax
LAJME

Kryeministri Kurti e kryeparlamentari Konjufca bëjnë homazhe tek busti i Madeleine Albright, e vlerësojnë lartë figurën e saj

Kurti e Konjufca bëjnë homazhe tek busti i Madeleine Albright, e vlerësojnë lartë figurën e saj.
Kryeministri i Republikës së Kosovës, Albin Kurti së bashku me kreun e Kuvendit Glauk Konjufca kanë bërë homazhe tek busti i ish-sekretares amerikane të Shtetit, Madeleine Albright.
Më pas, Kurti dhe Konjufca folën edhe për media.
Kreu i Kuvendit, Glauk Konjufca tha se populli i Kosovës nuk do ta harrojë e do të jetë mirënjohës për kontributin që dha Albright për çlirimin e vendit.
“Bashkë me kryeministrin Kurti po bëjmë homazhe te busti i ish-sekretares amerikane Madeleine Albright. Populli i Kosovë kurrë nuk do ta harrojë e do të jetë mirënjohës për kontributin e jashtëzkaonshëm që ka thënë Albright për çlirimin e popullit tonë. Së bashku me Clinton ishin forca shtytëse për ta ndalë gjenocidin e Serbisë mbi popullin e Kosovës…Clinton tha se Albright për popullin amerikan ishte një thesar kombëtar. Së bashku me SHBA-në ju gjetën popullit të Kosovës në ditët më të vështira. U prehtë në paqë kjo zonjë e madhe dhe mike e popullit të Kosovës”, tha Konjufca ndër të tjera.
Ndërsa, kryeministri Albin Kurti tha se Albright ishte aq profesionale në secilën prej asaj çfarë bënte e thoshte.
“Ajo në politikë ishte historiane, në histori ishte diplomate, ndërsa në diplomaci ishte politikane…Kur kemi parasysh përvojën e saj jetësore, si emrigrante hebreje në SHBA e cila fëmijërinë e ka kaluar gjatë luftës së dytë botërore dhe është shkolluar në vendin tempull të demokarcisë dhe është bërë sekretarja e parë e shtetit grua, kemi të bëjmë me një figurë që nuk i takon vetëm shekullit 20 por edhe 21”, tha Kurti ndër të tjera.

Related posts

Maqedonia e Veriut dhe Shqipëria në pritje të një sinjali pozitiv nga Bullgaria

e-max

Takim lamtumirës i kryetarit Xhaferi me ambasadoren gjermane Hollshtajn

e-max

Indeks.mk sjell lajm ekskluziv/ Procesi arsimoro-edukativ vazhdon të mërkurën

e-max