Kush janë këshilltarët që duhet të futen në burg për Gërdecin?
Një orë mbas shpërthimit të Gërdecit , agjensitë e lajmeve më prestigjoze të botës nga New York-u deri në Dehlin e largët në Indi kishin identifikuar vendin, shkakun, dhe mbi të gjitha të dyshuarin kryesor.
“The Family “.
Emri i klasifikuar për familjen më problematike të Republikës së Shqipërisë, familje e veshur me pushtet.
Shërbimet e Inteligjencës Perëndimore kishin të detajuar emrin kryesor të mekanizmit që kishte bërë të mundur, që djersa e popullit shqiptarë nën regjimin komunist të kthehej në pasurimin marramendës të një personi dhe të një familje.
Dëmi ishte bërë, duheshin mbuluar provat.
Në ato orë tragjike për familjet e viktimave në korridoret e KM kishin filluar planet e para për asgjësimin e provave.
Në këtë skenar të orkestruar nga “ The Family” ka prova pa fund për takimet deri në orët e vona të drejtuesve kryesorë që kanë pas çelësat në godinën ku per fatin e popullit shqiptar vendoset.
Kryeministria e Republikës së Shqipërisë .
Godina kryesore po mbulohej me turp dhe me inkriminimin e gjithë zyrtareve të lartë duke përdorur Kodin e Heshtjes.
Po kush ishin mysafirët që vizitonin në ato ditë tragjike KM e vendit?
Përse në ato ditë tragjike në shkallet e KM, alarmi ishte aq i madh saqë këshilltarët më të besuar kanë fjetur brenda në godinë disa ditë me radhë?
Kush ishte halli i madh i “liderit global” të Shqiptarëve ?
Kush ishte roli i çdo njërit prej këshilltarëve që sot nuk u dihet më vendi se ku ndodhen, lëre pastaj emri që ata kanë lënë në historinë e gangrenizuar politike shqiptare.
Sa më shumë injorant politik ishe ,aq më shumë “The Family” të degradonte personalitetin.
Kodi i Familjes ishte i qartë.
O me ne,o kundra nesh.
Ne na duhen lekët, ju fryni sytë.
Kush është roli i tyre në mbulimin e një prej krimeve më famëkeqe shtetërore të realizuar në tre dekada, ku firma e krimit kishte emër e mbiemër.
Sa here hyri në ato orë familjari kryesor i Kryeminstrit në godinën e Kryeministrisë?
Godina e Shtetit Shqiptar, jo trashëgimia me tapi e klanit që ai infektoi për tre dekada.
Virusi që do u kushtojë shqiptarëve akoma për dekada.
Kush ishin zyrtarët e lartë të shtetit që po mbulonin krimin me heshtje?
Gërdeci ka dy plane investigimi seriozë, ata që kanë firmosur dhe ata që njohin deri në detaje oraret, personat, temën e takimeve dhe mbi cdo gjë provat për manipulimin e tragjedisë.
Përse SPAK nuk thërret dëshmimtarët e atyre orëve për të shtuar listën e të akuzuarve për këtë krim shtetëror për pasurimin e vetëm një ‘Familje’ ?
Te bësh burg edhe pa vjedhur, duke heshtur është një tjetër krim më i rëndë për të gjithë ata që e degraduan këtë komb për kapriçon e një familje të strukturuar kriminale.
Të heshtësh duke njohur krimin, i paguar nga taksapaguesit shqiptarë, duke respektuar Kodin e Heshtjes.
Kodi i Mafies.
Kodi për të cilën “ Five Eyes” e NATO shkollon specialistët e saj më të mirë në luftën kundra Krimit Politik.
Korrupsionit Politik, asaj që Departamenti i Shtetit i ka shpallur luftë në mbarë globin, jo më në këtë provincën ballkanike që duhet të ishte e të jetë përparësi e dorës së parë.
Mjafton të shohësh proçeset ndaj Mafies politike në disa vende Aleate të NATO-s, në 40 vitet e fundit të historisë rajonale.
Deri kur SPAK do të fus në burg edhe këta këshilltarë ?
Përse taksapaguesit
perëndimorë e amerikan duhet te paguajnë prokurorë shqiptarë që hyn nëpër zyra vetëm të shtojnë llogaritë bankare personale.
Do vazhdojnë akoma qytetarët amerikanë me taksat e tyre të pasurojnë një tjetër klan zyrtarësh shqiptarë që kanë prova ulëritëse dhe nuk veprojnë.
Ora e veprimeve ka trokitur, mjerë ata që nuk kanë vesh të dëgjojnë e sy të shikojnë.
Eshtë ora e të vërtetave të mëdha.
Ora e Lirisë.
