Bora dhe Xhensila Myrtezaj kopjojnë njëra-tjetrën
Shpeshherë figurat publike vendosen në qendër të vëmendjes së fansave dhe mediave pasi veshin të njëjtën veshje, duke u komentuar se kush e vesh i/e para apo kujt i shkon më shumë. Duke qenë se mund të vishen nga stilistët më në zë dhe ndjekin trendet e fundit, jemi dëshmitarë të shumë “xing-eve” që personazhet e njohur bëjnë në veshjet e tyre.
Së fundmi kjo i ka ndodhur Xhensila Myrtezaj dhe Bora Zemani që janë shfaqur me të njëjtën veshje. Të dyja vajzat njihen për stilin e tyre të veçantë dhe pasionin për modën. Veshja që u ka rrëmbyer zemrën të dyve është një fustan saten jeshil dhe i gjatë.
Në dukje i thjeshtë, ky fustan nxjerr në pah gjithë gjithë format trupore prandaj po pëlqehen kaq shumë nga gocat këtë periudhë.
Fillimisht ishte Xhensila e cila u shfaq me këtë veshje në ditëlindjen e Bora Zemanit duke rrëmbyer të gjithë vëmendjen. Këngëtarja e kombinoi me një palë taka ekstravagante me ngjyrë rozë dhe unazë e vathë elegantë. Ndërkohë flokët i kishte kapur bisht dhe kishte zgjedhur një makeup minimalist.
Nuk e dimë nëse Borës i ka mbetur në mendje që atëherë ky fustan, por ajo është shfaqur së fundmi me të njëjtin, duke bërë ‘xing’ me Xhensilën. Moderatorja do jetë e ftuar në “Ëndërrtjerrësit” që është regjistruar ditë më parë. Në promon e emisionit, Bora shihet me këtë fustan, dhe ashtu si Xhensila i ka kapur flokët dhe ka bërë një grim natyral.
