Lajme shumë të mira për Milanin

Lajme shumë të mira për Milanin nga ekzaminimet mjekësore që iu nënshtrua sot Majk Menjani. Rezonanca magnetike rezultoi negative, duke përjashtuar “praninë e dëmtimeve në zonën pubike dhe të muskujve aduktorë”.

Për rrjedhojë, portieri francez, i cili u largua në përfundim të pjesës së parë të ndeshjes mes Francës dhe Turqisë, pasi ndjeu shqetësime mes ijes së djathtë dhe zonës së aduktorëve, do të jetë rregullisht në dispozicion për përballjen e së dielës së ardhshme kundër Frozinones.

Ndërkohë, vijojnë programet e rikuperimit për lojtarët e tjerë të padisponueshëm të skuadrës. Fikajo Tomori dhe Ruben Loftus-Çiku i kanë kryer tashmë ekzaminimet e kontrollit dhe po vlerësohen çdo ditë për të përcaktuar rikthimin në stërvitje me grupin dhe më pas në fushë.

Mbrojtësi pritet të rikthehet për ndeshjen me Kaljarin, ndërsa mesfushori do të rivlerësohet pas dy javësh. Sinjale të tjera inkurajuese vijnë nga Strahinja Pavloviç, i cili dje kishte zhvilluar stërvitje të diferencuar, ndërsa dje është stërvitur pjesërisht me grupin. Mbrojtësi serb po e kalon një problem delikat me veshkën dhe synon të jetë i gatshëm për ndeshjen e së dielës.

Pas një jave pushim, lojtarët që nuk ishin grumbulluar nga kombëtaret përkatëse janë rikthyer në stërvitje në Milanelo, nën drejtimin e Ruben Amorimit. Në pritje të rikthimit të plotë të të gjithë futbollistëve të kombëtareve deri të enjten, seanca stërvitore u plotësua me shumë lojtarë të ardhur nga Milani Futuro, pasi të vetmit futbollistë të ekipit të parë të pranishëm ishin Torriani, Gila, Terraciano, Musa, De Uinter dhe Hatçinson..

Burimi: botasot.info