Leicester City e ka hedhur poshtë një ofertë prej 40 milionë eurosh nga Newcastle për mesfushorin James Maddison.
“Dhelprat” nuk u pajtuan që lojtari të largohet për këtë shumë, pasi lojtari konsiderohet i rëndësishëm për klubin edhe në sezonet vijuese.
Sipas asaj që bën të ditur Daily Mail, ish-kampionët anglezë janë duke tentuar që ta ndalin me çdo kusht mesfushorin në “King Power Stadium”.
I njëjti burim thotë se tashmë është gati një kontratë afatgjate për lojtarin.
Në anën tjetër, Newcastle nuk e ka ndërmend të heqë dorë lehtas për 25-vjeçarin, me ofertën e dytë që pritet të niset shumë shpejt.
Leicester hedh poshtë një ofertë 40-milionëshe për Maddison nga Newcastle
