Festivali i 6-të Ndërkombëtar i Kërcimit ka nisur në Urumqi, kryeqendra e Rajonit Autonom Xinjiang Ujgur të Kinës veriperëndimore, duke tërhequr artistë për të shfaqur kërcimet e tyre në një arenë ndërkombëtare.
Festivali, me temë “Ëndrrat e kërcimit, harmonia e Rrugës së Mëndafshit”, tërhoqi më shumë se 1000 artistë nga Azia, Evropa dhe Afrika, bën të ditur “Xinhua”.
Festivali do të zgjasë 17 ditë dhe do të ketë 60 shfaqje, të cilat mbulojnë forma arti si baleti dhe kërcimi popullor.
Foto:VCG
Midis tyre do të jetë vepra e njohur e baletit kinez “The Red Detachment of Women” dhe “The Sleeping Beauty” nga balerinët bjellorusë.
Gjatë festivalit do të zhvillohen edhe një sërë aktivitetesh, duke përfshirë shfaqje kërcimi në shesh.
Edicioni i 6-të i festivalit organizohet bashkërisht nga Ministria kineze e Kulturës dhe Turizmit, Zyra e Informacionit e Këshillit të Shtetit dhe qeveria popullore rajonale e Xinjiang. (Irma)
