Nga 23 gushti, Mërkuri fillon kursin e tij në retrogradë në shenjën e Virgjëreshës dhe do të qëndrojë në këtë orbitë deri më 15 shtator. Të gjitha shenjat do të preken nga ky fenomen planetar, i cili nxjerr në pah moskuptimin, por Binjakët, Virgjëresha, Shigjetari dhe Peshqit do të duhet të jenë pak më të kujdesshëm në lëvizjet e tyre në periudhën e ardhshme.
Binjakët
E shkuara kthehet, herë me synime serioze për të rivendosur rendin që meriton, herë thjesht për t’ju ngatërruar. Njerëzit përreth jush nuk dërgojnë mesazhe të qarta dhe ju duhet të deshifroni edhe mirëmëngjesin e tyre. Mos besoni asgjë para se të hulumtoni me kujdes atë që fshihet pas saj, dëgjoni me kujdes bashkëbiseduesit tuaj, thoni saktësisht se çfarë dëshironi prej tyre dhe nëse nuk keni dëshirë të merreni me të kaluarën, kthejeni zemrën në gur, sepse atje ka gjasa serioze që diçka e mirë të dalë nga e gjithë kjo histori. Sfondi favorizon rivendosjen e marrëdhënieve që mendonit se kishin humbur përgjithmonë.
Virgjëresha
Përditshmëria juaj do jetë mjaft e çrregulluar, pasi orari që gjithmonë përgatitni dhe i përmbaheni sa më besnikërisht nuk do të funksionojë. Njerëzit që nuk u kushtojnë rëndësi premtimeve të tyre mund t’ju irritojnë. Ju duhet të jeni të kujdeshëm me hapat tuaj, të mos merrni vendime të shpejta për gjëra të rëndësishme, të mos bëni pazare, veçanërisht në internet dhe mos ta vendosni jetën tuaj – veçanërisht jetën tuaj profesionale – në pritje. Patjetër që keni të drejtë, por duke qenë se nuk do ta gjeni deri në mes të shtatorit, ecni me kujdes dhe bëni durim.
Shigjetari
A jeni gati për të gjetur punën që keni ëndërruar gjithmonë? Ndoshta ëndrra juaj do të vonojë për pak kohë, por për t’ju ngushëlluar ju themi se gjithçka, por gjithçka rreth jush do të vonojë, nga porositja e kafesë së mëngjesit deri te takimi me shefin tuaj. Kjo vonesë nuk do të ndikojë negativisht në planet tuaja nëse nuk përpiqeni t’i realizoni ato menjëherë. Kjo është një mundësi e shkëlqyer për të ndalur gjithçka dhe për të reflektuar për atë që bëni, çfarë mund të përmirësoni, në mënyrë që të jeni më të lumtur dhe më produktivë në punën tuaj – dhe sigurisht e njëjta gjë është e vërtetë në marrëdhëniet tuaja ndërpersonale të të gjitha llojeve. Mendoni se çfarë nuk ju pëlqen dhe si mund ta rregulloni, keni kohë deri më 15 shtator për të vënë përpara planin tuaj.
Peshqit
Lëreni tjetrin të flasë, t’ju tregojë dhimbjen e tij, t’ju bezdis, madje t’ju trullosë me problemet e tij. Është e rëndësishme të dëgjoni të tjerët, sepse përmes fjalëve të tyre do të identifikoni gjërat që edhe ju i keni bërë gabim dhe që, aq më keq, po përgatiteni t’i bëni sërish. Marrëdhëniet njerëzore janë gjithmonë të vështira dhe sidomos në periudha të tilla kur askush nuk shkon mirë me askënd, ato mund të bëhen të padurueshme. Për fat të mirë, keni shumë durim dhe mund ta shtyni marrjen e vendimeve të rëndësishme për pak më vonë. Mos u devijoni: përdorni instinktet tuaja dhe gjithçka do të jetë mirë./Living/
