Ndarja e shqiptarëve në shumë tabore politike është një hap antishqiptar dhe nuk shkon në favor të popullit tonë pasi që një hap i tillë e defaktorizon votën shqiptare. Kështu ka deklaruar, zëvendëskryeministri i parë, Izet Mexhiti në emisionin Click Plus.
“Vlerësimet më mirë do ua lëmë qytetarëve. Afër i kemi zgjedhjet lokale, fjalën kryesore e kanë votuesit. Ajo që është me rëndësi, tani shqiptarët kanë dy taborë politik, kanë konkurrencë, mund të krahasojnë, mund të vlerësojnë, mund të dënojnë. Mendoj që 8 muaj nuk janë mjaftueshëm për të realizuar programe, për të realizuar ndryshimin”, ka thënë zëvendëskryeministri i parë Izet Mexhiti përballë gazetarit Fatmir Aliu në TV21.