Qeveria e Maqedonisë së Veriut do të jetë e paluhatshme dhe skajshmërisht e përkushtuar ndaj reformave që i premtoi dhe e din se ato nuk mund të zbatohen brenda natës dhe dp të nevojitet kohë, por nuk do të lejojë që kjo të marrë kohë pa fund, theksoi sot pasdite minsitri i Punëve të Jashtme dhe Tregtisë së Jashtme, Timço mUcunski në fjalimin në Qendrën e Brukselit për politikë evropiane (EPC) me temë “Zgjerimi i BE-së në epokën e re: Perspektiva e Maqedonisë së Veriut”.
“Nëse dikush meriton model në të cilin qartë do ta dimë rrugën tonë dhe do të lëvizim përpara, ky është vendi ynë. Shumë shpesh përkujtoj me këdo që bisedoj se shteti në bazë të premtimeve për të ardhme evropiane i ndryshoi emrin e vet, valutën e vet, e ndryshoi Kushtetutën disa herë, madje e ndryshoi edhe emrin e vet për shkak të premtimeve evropiane. Kështu që, nëse dikush meriton fleksibilitet në atë kuptim, ky është vendi ynë”, tha Mucunski.
Ai theksoi se Qeveria është tërësisht e përkushtuar ndaj integrimit të vendit në BE dhe do të angazhohet me Brukselin dhe me Bullgarinë të gjejë zgjidhje racionale për zhbllokim të procesit tonë inkuadrues, me të cilën zgjidhje pasi që t’i zbatojm[ ndryshimet kushtetuese, nuk do të bllokohemi dhe kthehemi prapa dhe negociatat nuk do të ngarkohen me çështje lidhur me identitetin, historinë, gjuhën, nacionalizmin apo përkatësinë etnike, por përfundimisht do të na lejohet të lëvizim përpara në bazë të parimit të meritave.
Ако некој заслужува модел во кој јасно ќе го знаеме нашиот пат и ќе се движиме напред, тоа е нашата земја. Многу често потсетувам со кого и да разговарам дека државата врз основа на ветувањат
Ai potencoi se shfrytëzimi i vetos për shkak të çështjeve bilaterale nuk na dëmton vetëm neve, por edhe legjitimitetin e tërë procesit të zgjerimit të BE-së.
Sipas tij, ekziston hendek mes asaj që reflektohet nga ana e BE-së dhe çka pritet të reflektohet prej saj, për çka një prej shembujve është vendi ynë për çka këtë vit bëhen 20 vite pasi që e fitoi statusin e kandidates.
Lidhur me terminin e përmendur shpesh se tani është momentumi për zgjerim, Mucunski theksoi se edhe në vitin 2018 kur e arritëm Marrëveshjen e Prespës me Greqinë, vinin liderë perëndimorë të cilët thonin se ajo është “dritarja jonë e mundësive” dhe se duhet “ta shfrytëzojmë momentumin” për anëtarësim në NATO dhe për anëtarësim në BE kur të prëfundojë i tërë procesi për katër apo pesë vite, ndërkaq ato pesë vite kaluan para një viti e gjysmë.
Ai shtoi se këtë nuk e shohim si alternativë të negociatave, por si mënyrë që t’u tregojmë vendeve anëtare se jemi të përkushtuar në rrugën evropiane pa dallim se sa është e vështirë, sepse shumë nga reformat e parapara me Agjendën reformuese do të jenë të vështira për realizim dhe do të kërkojnë ndryshime transformuese të shoqërisë sonë.
Shefi i diplomacisë i shprehi edhe falënderim Bashkimi tEvropian dhe vendeve anëtare për solidaritetin e treguar dhe reagimin e shpejtë pas tragjedisë në Koçan, duke e vlerësuar si shembull autentik për solidaritetin evropain dhe vlerat evropiane në vepër.
Mucunski theksoi se ngjarja në Koçan ishte edhe alarm për nevojën e përballjes me korrupsionin, për çka Qeveria punon me përkushtim në 20 muajt e fundit, si dhe se me reagimin pas, me arrestimin e personave pa dallim të përkatësisë së tyre partiake u dërgua porosi e qartë se drejtësia nuk mund të jetë selektive.
Ministri Mucunski në kuadër të qëndrimit në Bruksel, nesër dhe të premten do të marrë pjesë në takimin e shefave të diplomacive të vendeve anëtare të NATO-s.
