Gjatë mbledhjes së pestë të Këshillit të Përgjithshëm të BDI-së u vendos që në vend të Izet Mexhitit të zgjidhet Bujar Osmani si nënkryetar i partisë, që njëkohësisht mban edhe postin e zëdhënësit të BDI-së, ndërsa u zëvendësuan edhe tre anëtarët e Kryesisë Qendrore. Izet Mexhiti, Visar Ganiu dhe Saranda Imeri, u zëvendësuan me Bekim Nezirin, Ilir Hasanin dhe Arta Bilalli-Zendelin. Ndërkohë, pozita e sekretarit organizativ që e mban Blerim Bexheti, nuk është prekur.
Ajo që u vu re në këtë mbledhje ishte pjesëmarrja e ish dy anëtarëve të Grupit të zjarrit, Nevzat Bejta dhe Blerim Bexheti. Me pjesëmarrjen e këtyre dy të fundit në mbledhjen e Kryesisë së BDI-së, përforcohen zërat për një ndarje përfundimtare me Grupin e zjarrit, që veçse ishte paralajmëruar edhe më herët.
