Lajmet e shumë skuadrave vazhdojnë të filtrohen në lidhje me zgjedhjet e mundshme që do të bëjë trajneri i Milanit, Stefano Pioli, përpara ndeshjes së nesërme kundër Genoas.
Duke folur për Sky nga Milanello, Peppe di Stefano dha përditësimet më të fundit mbi të menduarit e Piolit përpara ndeshjes së nesërme që duhet të fitojë, duke raportuar se Brahim Diaz duhet të startojë në stol në ndeshjen kundër Genoas nesër mbrëma, përjell ORAinfo.
Franck Kessie ka avantazhin për të nisur në vend të tij, ndonëse Rade Kruniç u provua gjatë javës në atë pozicion, duke lënë të kuptohet se Pioli ende nuk e ka vendosur plotësisht.
Një tjetër betejë është në krahun e djathtë, me Alexis Saelemaekers përpara Junior Messias për momentin, por nuk përjashtohet një ndryshim në minutën e fundit. Në krahun e majtë do të jetë Rafael Leao, pavarësisht rikuperimit të Ante Rebic.
Përpara Mike Maignan do të jenë Kalabria, Kalulu, Tomori dhe Theo Hernandez. Ismael Bennacer rikthehet në mesfushë pasi është rikuperuar nga problemi muskulor që e mbajti jashtë ndeshjes së Torinos dhe në krah të tij do të jetë edhe Sandro Tonali.
Formacioni I mundshëm Milan XI (4-2-3-1): Maignan; Kalabria, Kalulu, Tomori, Theo; Tonali, Bennacer; Saelemaekers (Messias), Kessie (Krunic), Leao; Giroud./ORAinfo/
