GazetaMax
Lajme

Ndihma emergjente mjekësore me rekomandime për festat e Vitit të Ri

Shkup, 30 dhjetor – Për shkak të festave të Vitit të Ri, Shërbimi i Urgjencës mjekësore rekomandon marrje të rregullt të terapisë për pacientët me sëmundje kronike, kujdes me konsumimin e ushqimit për ata persona që kanë ndjekur agjërimin e Krishtlindjeve, përdorimin e matur të pijeve alkoolike, për të shmangur pasojat e padëshiruara – helmime nga alkooli  dhe aksidentet në trafik. Në veçanti apelojmë popullsinë e re dhe të mitur që të mos përdorin pije alkoolike për shkak të pragut të ulët të tolerancës ndaj alkoolit.

Prej aty apelojnë që të përmbahen nga përdorimi i mjeteve të ndryshme piroteknike dhe armëve të zjarrit për të shmangur lëndimet e padëshiruara, djegiet dhe pasoja tjera më të rënda.

Për gjendjen e qytetarëve gjatë festave të Vitit të Ri, ISHP “Qendra Shëndetësore e Shkupit” do të kujdeset gjatë 24 orëve. Më datë 31 dhjetor, shërbimet specialistike do të jenë në shërbim në Poliklinikën Bukuresht nga ora 08:00 deri në orën 16:00.

“Në natën e Vitit të Ri, ordinancat kujdestare për mbrojtje shëndetësore do të jenë të disponueshme në turnin e tretë, të dielave dhe festave në Poliklinikat Jane Sandanski, Çair, Çento, Shuto Orizare, Gjorçe Petrov, Draçevë dhe Bit Pazar”, informojnë nga Qendra e Shëndetit të Shkupit.

Gjithashtu, me orar të zakonshëm të punës informojnë se do të funksionojë edhe njësia për mjekim në shtëpi.

Related posts

Nga nesër nuk ka transport publik falas

Gazeta Max

“Jo ndarjes!, ambasadori gjerman i kujton Ramës vitin 2020 kur Maqedonia e Veriut priti Shqipërinë

Gazeta Max

Parlamenti Evropian voton raportin, Shqipëria gati për fillimin e negociatave me BE

Gazeta Max