GazetaMax
Lajme

Në 24 orë janë shuar 20 zjarre pyjore

Shkup, 9 gusht – Në mëngjesin e sotëm është ende një zjarr aktiv, ndërsa janë shuar 20 zjarre pyjore gjatë 24 orëve të fundit, gjatë së cilës është djegur bar i thatë. ?Intervenimet janë bërë edhe për shuarjen e zjarreve në disa shtëpi, njofton Qendra për Menaxhim me Krizave (QMK), sipas informacioneve të marra nga qendrat rajonale të menaxhimit të krizave nga qytetet e vendit.

Zjarri pyjorë në malin në mes fshatrave të Ohrit, Vapila dhe Rasino është ende aktiv. Pylli i degraduar po digjet. Deri më tani janë djegur rreth 12 hektarë tokë.

Brigada Territoriale e Zjarrfikësve nga Ohri edhe sot është në terren me një automjet zjarrfikës dhe gjashtë zjarrfikës. Gjithsej rreth 50 persona kanë dalë në terren që nga ora 5 e mëngjesit të sotëm. Zjarri po digjet nga tre anët dhe po punohet për rrethimin e tij, por për shkak të terrenit të vështirë, shuarja e tij është e vështirë.

Zjarri në afërsi të fshatit Furka nuk ka djegje aktive dhe është lokalizuar në orën 19. Ekipet e Drejtorisë për Mbrojtje dhe Shpëtim janë ende në terren, ndërsa të tjerët janë tërhequr. Gjatë ditës do të bëhet kontrolli i zonës së djegur për të kontrolluar vendet ku ka ende tym.

Prej QMK-së informojnë se është intervenuar në një deponi afër fshatit Dobrashinci të Komunës së Vasilevës dhe në djegien e mbeturinave në Jurumlari në Komunën e Gazi Babës në Shkup. Bari i thatë është djegur në afërsi të Gradsko dhe fshatit Viniçan. Bari i thatë është djegur edhe në afërsi të fshatit Kërstoar të Manastirit, ndërsa është intervenuar edhe në afërsi të autostradës afër fshatit Tabanocë.

Në Shkup, në Komunën e Butelit, është intervenuar për shuarjen e barit të thatë, ndërsa në Komunën e Shuto Orizarit, është djegur një deponi.

Related posts

Presidenti Pendarovski me Vendim fal Abdulfeta Alimin dhe katër të dënuar të tjerë

Gazeta Max

Janë paguar mjetet për bursa shkollore dhe studentore dhe shujtën e subvencionuar studentore

Gazeta Max

Berisha: Lista e Ramës, kandidatë me dosje në SPAK dhe patronazhistë famëzinj

Gazeta Max