Maqedonia e Veriut pasqyron realitetet dhe për këtë arsye bota e ka përfshirë në formësimin e sigurisë kolektive, thotë kryesuesi i OSBE-së dhe ministri i Punëve të Jashtme, Bujar Osmani, në një intervistë për racin.mk.
“Fakti që jemi një vend i vogël ka dëshmuar se nuk është dekurajues për ju që të jeni të rëndësishëm në skenën ndërkombëtare. Do të thotë që nëse keni vlera dhe reflektoni vlera, bota e njeh këtë dhe ju përfshin për t’i dhënë formë çështjeve edhe në nivel botëror. Kjo është historia e Republikës së Maqedonisë së Veriut”, thotë Osmani në intervistë.
Kryesuesi i OSBE-së thekson se vendi ynë beson dhe investon në multilateralizëm, sepse është e vetmja mënyrë e mundshme për t’u përballur me sfidat globale.
“Ne besojmë se multilateralizmi mbron vlerat dhe interesat e vendeve më të vogla. Përfshirja jonë në ato platforma, ndër të cilat përveç kryesimit të OSBE-së, Maqedonia e Veriut këtë vit kryeson edhe Kartën A5 të Adriatikut, ne kryesojmë edhe Procesin për bashkëpunim të Evropës Juglindore, jemi anëtare e NATO-s, jemi negociatat për anëtarësim në BE. Pra, ne marrim pjesë në organet dhe platformat më të rëndësishme multilaterale në botë, jemi palë e rëndësishme sepse besojmë në multilateralizmin dhe është një nga prioritetet në politikën tonë të jashtme”, tha Osmani.
