Qindra protestues sulmuan ambasadën suedeze në Bagdad dhe i vunë flakën asaj, raporton Reuters.
Një burim i agjencisë tha se asnjë punonjës i ambasadës nuk u lëndua, kurse zyrtarët në ambasadën suedeze në Bagdad nuk kanë komentuar ende mbi incidentin.
Protesta u organizua nga mbështetësit e klerikut shiit Muqtada Sadr përpara djegies së pritshme të librit të shenjtë mysliman, Kuranit, në Suedi.
Theksohet se gjëra të tilla në të kaluarën kanë çuar në protesta dhe dënime të gjera në vendet me shumicë myslimane.
Disa video tregojnë tymin që ngrihet nga një ndërtesë në kompleksin e ambasadës.
Reuters thekson se nuk ka mundur të konfirmonte në mënyrë të pavarur autenticitetin e videos.
Po kështu, ende nuk dihet nëse ka qenë dikush në ambasadë në momentin e sulmit.
