Shkup, 28 shtator – Shoqata ekologjike e Maqedonisë së Veriut (SHEM) dhe “Miqtë e Sharrit” sot në Kodër të Diellit organizojnë panair rajonal “Bukuritë e rajonit Sharr – Korab – Koritnik”.
Panairi është në suaza të projektit “E ardhme e qëndrueshme për rajonin Sharr – Korab – Koritnik”, që SHEM e zbaton me partnerë nga rajoni dhe Gjermania. Qëllim kryesor i projektit është përmirësimi i biodiversitteit në rajon përmes mbështetjes së drejtpërdrejtë të popullatës lokale në vazhdimin e praktikave tradicionale dhe të qëndrueshme.
Në panair do të prezantohen gjithsej 13 projekte nga vendi, Kosova, Shqipëria, të cilët punojnë në mbështetje të blegtorëve lokal, bletarëve apo ndërkaq kanë aktivitete lidhur me kultivimin e bimëve mjekuese dhe promovimin e turizmit në rajon
