Shkup, 3 maj – Me rastin e 3 Majit – Ditës botërore të lirisë së mediumeve, në Kabinetin e presidentit Stevo Pendarovski do të mbahet panel diskutim kushtuar sigurisë së gazetarëve dhe punëtorëve mediatikë.
Ngjarja organizohet në bashkëpunim me Shoqatën e gazetarëve të Maqedonisë (SHGM), ndërsa në të fjalime do të kenë përfaqësues të disa organizatave mediatike në vend.
Dita botërore e lirisë së mediumeve shënohet nga viti 1993 dhe çdoherë më 3 maj. Qëllimi është të promovohet pranimi i lirisë së mediumeve, të theksohet rëndësia e mbrojtjes së lirive mediatike dhe lufta kundër të gjitha formave të ndikimit ndaj mediumeve, si dhe të përkujtohet në punëtorët mediatikë, të cilët e kanë humbur jetën gjatë kryerjes së punës së tyre.
