Nëse konfirmohet se Nicholas Maduro është ndaluar dhe është larguar nga vendi, vëmendja do të kthehet te kush do ta qeverisë Venezuelën më pas.
Por kjo ngre pyetjen: a do të mbetet Çavizmi në pushtet pa Maduron?
Nëse kjo ndodh, ka tre figura për t’u ndjekur nga afër: Zëvendëspresidentja Delcy Rodríguez; Ministri i Brendshëm Diosdado Cabello; dhe Ministri i Mbrojtjes Vladimir Padrino, shkruan BBC, transmeton Dukagjini.
Të tre u shfaqën në televizion disa orë pas sulmit dhe mund të marrin udhëheqjen.
Si Padrino ashtu edhe Cabello kanë ndikim të konsiderueshëm brenda ushtrisë, e cila mund të mbetet besnike ndaj secilës figurë. Roli i forcave të armatosura do të jetë thelbësor në përcaktimin se kush merr frenat.
Në të kundërt, Rodríguez ka pushtet më të madh civil dhe ekonomik dhe nuk ka të njëjtin akses në radhët ushtarake si Cabello dhe Padrino.
E panjohura tjetër e madhe është se çfarë do të bëjë opozita, e udhëhequr nga María Corina Machado. Pasi shpalli fitoren në zgjedhjet e korrikut 2024, opozita po kërkon ndryshime të vërteta politike dhe mund të mos jetë e kënaqur vetëm me largimin e Maduros nga pallati presidencial.