Se situata në Aleancën për Shqiptarët është shumë e tensionuar flasin edhe zhvillimet e fundit në këtë parti. Pas incidentit në degën e Kumanovës ku kishte edhe përplasje fizike për shkak disa punësimeve, tani edhe në degën e Haraçinës situata ka eskaluar. Në rrjetin social facebook, Agim Nebiu, i cili është axha i Drejtorit për Menaxhimin me Pronën e Konfiskuar, Driton Nebiu, njëherit edhe daja i drejtorit të Fondit për Sigurim Pensional dhe Invalidor, Arsim Hasanit, ka njoftuar se më nuk do të jetë pjesë e Aleancës për Shqiptarët. Mungesa e punësimeve dhe mos mbajtja e premtimeve pas hyrjes në Qeveri ka bërë që në shumë degë të Ash-së të dalin në sipërfaqe pakënaqësitë dhe largimet nga partia.
previous post
