Shkup, 31 maj – Në periudha të prishjes së normalitetit, rezistenca varet nga adoptimi dhe vendosmëria. Të ndërtojmë model të rritjes ekonomike, rezistente ndaj krizave, porositi sot presidenti Stevo Pendarovski në fjalimin në ditën e dytë të Forumit ekonomik-financiar të Shkupit (FEFSH), që po mbahet në Shkup, nën patronatin e Ministrisë së Financave.
Siç theksoi Pendarovski, përgjigjja e jonë duhet të korrespondojë me specifikat vendore. Nëse duam progres të qëndrueshëm, prioriteti i parë është, nënvizoi presidenti, ta rishqyrtoj modelin për zhvillim ekonomik, nëse ambicia jonë nuk është vetëm të mbijetojmë, por edhe të avancojmë. Ndoshta në mënyrë afatshkurte, sipas tij, disa nga këto politika do të jenë të sëmurë, por në mënyrë më afatgjate janë të domosdoshme edhe të dobishme.
Duke u përqendruar në situatën aktuale në korniza botërore dhe në sfidat në dy dekadat e fundit, Pendarovski potencoi se për shkak të ndryshimeve të shpejta, shumë raporte dhe strategji vjetërsohen para se të publikohen.
“Për këtë është më mirë të ndërtojmë model të rritjes ekonomike, që do të jetë rezistente në kriza. Është kyçe çështja se a do të ketë qetësim dhe normalizim të situatës ose do të duhet të mësojmë funksionojmë në pasiguri. Krizat ekonomike, ekologjike dhe sociale dhe kriza e sigurisë në 20 vitet e kaluara, me të cilat përballet njerëzimi janë rritur. Njëkohësisht, megatrendet botërore, si digjitalizimi, ndryshimet klimatike dhe pabarazia në rritje, i ndërrojnë në mënyrë drastike rregullat sipas të cilave funksionon industria e tregut të punës”, tha shefi i shtetit.
Pandemia, plotësoi Pendarovski e ka shkurtuar kohën për përballjen e politikave të ndërlidhura me qëllimet e zhvillimit të qëndrueshëm.
“Kemi rritje ekonomike të ngadalësuar, rritje të inflacionit, të çmimeve dhe të borxhit publik, thellim të pabarazisë mes shteteve dhe në to. Kriza ruso-ukrinase, ka ndërprerë zinxhirë thelbësor për furnizim, i ka trazuar tregjet e ushqimit dhe ka shkaktuar krizë energjetike, tha presidenti.
Në këtë kontekst, ai informoi se muajin e ardhshëm do të promovohet korniza zhvillimore “MKD2030”, e cila u miratua si platformë e përbashkët për të ardhmen e vendit. Ky dokument strategjik, përkujtoi Pendarovski, bazohet në katër prioritete zhvillimore: përshpejtimi i rritjes ekonomike për të paktën pesë për qind, mbrojtja më e lartë e mjedisit dhe ripërcaktimi i politikës energjetike, digjitalizimi gjithëpërfshirës që do të hapë hapësirë për investime dhe vende të reja pune, si dhe arsimi dhe zhvillimi gjithëpërfshirës.
“Këto katër prioritete do të duhet të realizohen njëkohësisht dhe për këtë duhet të kontribuojnë të gjithë faktorët shoqërorë nga institucionet shtetërore, faktorët gjinorë, sektori privat dhe qytetar dhe formimi akademik”, tha Pendarovski.
Pas Pendarovskit foli edhe kryetari i Kuvendit Talat Xhaferi, i cili tha se në këtë periudhë krize, diplomacia ekonomike mund të bëjë shumë për të forcuar bashkëpunimin rajonal dhe perspektivat evropiane.
Në ditën e dytë të FEFSH do të debatojë mbi temat “Energjia dhe tranzicioni i gjelbër”, “Infrastruktura, ndërlidhja dhe tregtia”, “Inovacione financiare dhe investimet në kushte të pasigurisë”, “Sfida të reja për qeverisjen e mirë” dhe “Kapitali njerëzor në shekullin 21” .
