GazetaMax
Teknologji

Përdoruesit e Android duhet të presin, risia e Google Maps vjen fillimisht për iPhone

Google ka nisur të prezantojë një funksion të ri në Google Maps, duke përdorur inteligjencën artificiale Gemini, që ndihmon përdoruesit të ruajnë lokacione të rëndësishme direkt nga screenshot-et e ruajtura në telefonin e tyre. Fatkeqësisht, ky funksion për momentin është i disponueshëm vetëm për iPhone.

Që nga muaji mars, përdoruesit e iOS-it kanë filluar të përfitojnë nga kjo veçori e re. Ajo funksionon duke analizuar screenshot-et në pajisje dhe nxjerrë automatikisht adresa apo vende që mund të jenë me interes për përdoruesin.

Këto lokacione më pas ruhen në një listë të veçantë brenda aplikacionit Google Maps, të cilës mund t’i riktheheni sa herë të dëshironi.

Gjithçka ndodh përmes një opsioni të ri që shfaqet në skedën “You” të aplikacionit. Nëse jepni leje për qasje në fotot tuaja, Google Maps do t’ju njoftojë sa herë që zbulon një lokacion të ri në ndonjë screenshot. Më pas, ju mund ta ruani, ta hidhni në listë ose ta injoroni – kontrolli mbetet tek ju.

Nëse nuk doni që aplikacioni të ketë qasje automatike, ekziston edhe opsioni për të ngarkuar manualisht screenshot-et.

Google ka konfirmuar se edhe përdoruesit e Android do ta marrin këtë risi, por nuk ka dhënë ndonjë datë të saktë për lançimin.

Related posts

Punëtorët e Volkswagen në grevë dyorëshe për shkak të njoftimit për ulje pagash dhe mbyllje të fabrikave

Gazeta Max

Kjo është arsyeja pse CEO i Google thotë se viti 2025 do të jetë një vit kritik për kompaninë

Gazeta Max

Momenti i përplasjes së asteroidit në atmosferën e Tokës

Gazeta Max