GazetaMax
Lajme

Petrovska: Fuqia e një shteti shihet në atë se çfarë miq ka

Shkup, 17 tetor – Fuqia e një shteti nuk është vetëm në atë se çfarë armate ka, por edhe në atë se sa dhe çfarë miq ka. Takim i shkëlqyeshëm në Lubjanë me kolegun Marjan Sharec, ka shkruar ministrja e Mbrojtjes, Sllavjanka Petrovsa në profilin e saj në Fejsbuk.

“E konfirmuam bashkëpunimin e mirë tradicional mes dy vendeve në sferën e mbrojtjes, aleancën në NATO dhe riafirmuam se ndajmë vizion të njëjtë për rajonin – stabilitet, paqe dhe siguri. Këtë vit kemi shumë stërvitje, trajnime dhe aktivitete të përbashkëta, ndërsa më i rëndësishmi është bashkëpunimi në #NATO misionin për prani të përforcuar në Latvi, ku paqesorët tanë janë pjesë e kontigjentit slloven”, ka shkruar Petrovska.

Ajo ka shprehur falënderime për përkrahjen e vazhdueshme sllovene për rrugën eurointegruese të Maqedonisë së Veriut.

“Ballkani Perëndimor duhet të qëndrojë në rrugën drejt demokratizimit të tërësishëm dhe europeizimit të fuqishëm – rrugë e cila pashmangshëm lidhet me integrimin në Bashkimin Evropian”, shprehet ministrja e Mbrojtjes, Petrovska në Fejsbuk.

Related posts

Si do të mësojnë nxënësit nëse librat vonohen sipas programeve të reja?

Gazeta Max

Nxënësit në Nerez të Epërm probleme me transportin

Gazeta Max

Media zvicerane nxjerr detaje tronditëse për 35-vjeçarin që vrau dje gruan e tij nga Kosova

Gazeta Max