Shkup, 7 shkurt – Qytetarë të lagjes Autokomandë sot sërish dolën në rrugë për të shprehur pakënaqësi nga mënyra e re e furnizimit me energji ngrohëse. Janë të pakënaqur sepse nuk janë njoftuar me kohë për ndryshimet e marrëveshjeve, as ndërkaq nuk është dhënë zgjidhja për të vendosur nëse dëshirojnë të ngrohen nën kushtet e reja.
Banorët e Autokomandës thonë se nuk kanë ngrohje pas orës 22:00, ndërsa jo rrallë ngrohja në vend se prej orës 6:00, u lëshohet në orën 7:00 të mëngjesit.
Në protestë ishte i pranishëm edhe kryetari i Komunës Gazi Babë, Boban Stefkovski i cili plotësisht i mbështeti kërkesat e banorëve.
Shtoi se edhe pse nuk ka ingerenca drejtpërdrejtë të vendosë për ngrohjen, do të vazhdojë t’i mbështesë.
kjo është hera e tretë që qytetarët dalin në protestë për shkak të pakënaqësisë nga furnizuesi i ri me energji ngrohëse.
SHA EMV paraprakisht kumtoi se po kren ndryshime në sistemin e ngrohjes me qëllim të standardizimit dhe barazimit të ngrohjes, përkatësisht kusht të njejta për të gjithë 62.000 konsumatorët.
Shkaku për vendosjen e ndryshimeve, thonë nga kompania, është që EMV Energjetika do t’i vendosë jashtë përdorimit kazanët e vjetër të ngrohjes të cilët nik kanë mundësi teknike për shuarje ditore dhe prandaj ngrohja ishte bërë 24 orë me konsum enorm të gazit.
