10% e rasteve me kancer në Evropë shkaktohen nga ndotja e mjedisit, por edhe në vendin e punës. Në këtë përfundim ka arritur Agjencia e Mjedisit e Bashkimit Evropian në raportin më të fundit “Lufta ndaj kancerit – roli i mjedisit evropian”.
Ndotja e ajrit, jashtë dhe në ndërtesa, lidhet me 1% të të gjitha rasteve të kancerit në Evropë dhe shkakton rreth 2% të të gjitha vdekjeve nga kanceri. Vetëm për kancerin e mushkërive, përqindja rritet në 9% të vdekjeve. Ekspozimi i radonit lidhet me 2% të të gjitha rasteve të kancerit, dhe rrezatimi natyral ultravjollcë me 4%, veçanërisht për melanomën.
Tymi i duhanit mund të rrisë rrezikun e kancerit deri në 16% te njerëzit që nuk kanë pirë kurrë duhan, por e thithin nga mjedisi përreth. Disa kimikate të përdorura në vendet e punës në Evropë dhe të lëshuara në mjedis janë kancerogjene si: plumbi, arseniku, kromi, kadmiumi, akrilamid, pesticide, bisphenol A dhe Pfas. Asbesti shkakton 55 deri në 88% të rasteve të kancerit të mushkërive në vendin e punës, si dhe prek laringun dhe vezoret.
