Rritet numri i zyrtarëve policorë që kërkojnë të largohen nga Kosova

Drejtori i Policisë së Kosovës, Samedin Mehmeti tha sot se trendi i largimit të zyrtarëve policorë nga vendi i punës është në rritje.
Ai në Komisionin për Siguri dhe Mbrojtje deklaroi se nuk ka shifra të sakta se sa është numri i të larguarve.
“Nga viti në vit mund të themi që po rritet. Nuk i kam shifrat e sakta por fatkeqësia është që po rritet”, deklaroi Mehmeti.
Më tutje, drejtori i policisë tha se në testin e fundit pavarësisht se 125 njerëz aplikuan për zyrtarë policorë, sipas tij ata munduan në testin fizik.
“Vet fakti që e kanë dhënë testin me shkrim 125 veta e nuk kanë ardh në testin fizik, kjo tregon që kemi një problem të natyrës së caktuar. A është problem social a është i tjerave natyra, besoj që është pak problem për mua me dhënë përgjigje”, tha ai.