GazetaMax
Lajme

Saraçini: Dezinformatat janë kërcënim për sigurinë e shtetit

Shkup, 27 Shtator – Në pjesën e tretë të Programit 200 i ftuar ishte Petrit Saraçini, drejtues i Institutit për Media dhe Analitikë- IMA. Se sa i rëndësishëm është dezinformimi si mjet lufte, sidomos tani në Ukrainë, Saraçini tha se Federata Ruse historikisht ka patur traditë në këtë drejtim.

“Vitin e kaluar e kremtuan 100 vjetorin e themelimit të departamentit për dezinformim. Rusia ka përdor këtë mënyrë të luftës në politikën e jashtme tash e 100 vjet”, tha Saraçini.

Ai gjithashtu shtoi se dezinformata është mjet shumë efikas në luftën hibride për të arritur një qëllim të caktuar me fare pak mund dhe shpenzime.

“Dezinformatat janë kërcënim për sigurinë e shtetit. Dezinformatat janë mjete efikase pasi që nuk shpenzoni armatim, asgjë dhe me shumë pak mjete financiare ia dilni që ta destabilizoni armikun tuaj”, tha Saraçini.

Ai shtoi se qytetarët duhet të hulumtojnë më shumë burime dhe të kërkojnë më shumë të dhëna dhe vetë të vendosin se kush ka të drejtë.

Related posts

Pendarovski: Në situata krize, shihet se sa shumë kemi nevojë për respekt dhe mirëkuptim të ndërsjellë

Gazeta Max

Detaje të reja janë zbardhur lidhur me aksidentin e rëndë rrugor që ndodhi mbrëmjen e së dielës në aksin Delvinë–Sarandë

Gazeta Max

Edhe Maqedonia e Veriut pas dronëve Bayraktar

Gazeta Max