Ish-mesfushori i Anglisë dhe Manchester United, Paul Scholes, ka kritikuar Marcus Rashford, pavarësisht se sulmuesi ka shënuar dy gola më 18 shtator në Champions League kundër Newcastle.
Ish-futbollisti i njohur ka thënë se nuk mund të jetë i lumtur për Rashford, duke përmendur mënyrën se si lojtari u largua nga Manchester United. “Qëndrimi i tij ndaj United drejt fundit ishte i turpshëm. Shpesh e shihja duke ecur në fushë vetëm sepse donte të largohej nga klubi”, ka deklaruar legjenda e “Djajve të Kuq”. “Duhet të jetë i vetëdijshëm për veten, nuk është më fëmijë. A mund të jetë ndër lojtarët më të mirë në botë? Sipas mendimit tim, nuk ka talent të mjaftueshëm dhe as mentalitetin e duhur, edhe pas dy golave të fundit”.
