GazetaMax
Lajme

Shpresa e re për miliona pacientë, zbulohet ilaçi për hipertensionin

Një ilaç i ri, Baxdrostat, po cilësohet si “ndryshues loje” në trajtimin e hipertensionit rezistent, duke hapur një kapitull të ri për miliona pacientë në botë. Rezultatet e studimit ndërkombëtar BaxHTN, me 796 pacientë nga 214 klinika, treguan se pas vetëm 12 javësh trajtimi, presioni i gjakut u ul me 9–10 mmHg më shumë se placebo, një ulje e mjaftueshme për të reduktuar ndjeshëm rrezikun e infarktit dhe goditjes në tru.

Rreth 40% e pacientëve që morën ilaçin arritën nivele të shëndetshme të presionit të gjakut, pothuajse dyfish krahasuar me ata që morën placebo. Sipas ekspertëve, ky është përparimi më i madh i dekadave të fundit, pasi baxdrostat bllokon prodhimin e hormonit aldosteron, një shkaktar kyç i hipertensionit rezistent.

Rezultatet u prezantuan në Kongresin e Shoqatës Evropiane të Kardiologjisë në Madrid dhe u botuan në New England Journal of Medicine. AstraZeneca pritet të kërkojë miratim zyrtar deri në fund të vitit, me synimin që ilaçi të dalë në treg në vitin 2026./euronews

Related posts

U kap me kokainë dhe marihuanë/ Prokuroria ka urdhëruar hetimin kundër gardianit të burgut

Gazeta Max

Bislimovski: Nga korriku amvisëritë kanë ulur shpenzimin e energjisë elektrike për 16%

Gazeta Max

Rektori Zeqiri: UNT në pritje të maturantëve, e ardhmja ndërtohet tek ne!

Gazeta Max