Kandidati i VMRO-DPMNE-së për Komunën e Karposhit, Sotir Lukrovski, ka ftuar qytetarët e lagjes në një takim të hapur publik, që do të mbahet më 11 gusht (e hënë) në orën 20:00, në Platon pranë “Mleçen”.
Në ftesën drejtuar banorëve të Karposhit, Lukrovski thekson rëndësinë e bashkëpunimit të ndërsjellë dhe dëgjimit të zërit të qytetarëve për të ndërtuar një komunë më të mirë për të gjithë.
“Të hënën, më 11 gusht, në orën 20:00, ju ftoj në një takim ku do të keni mundësi të ndani idetë, propozimet dhe nevojat tuaja për lagjen ku jetoni. Vetëm së bashku mund të ndërtojmë një Karposh më të afërt me njerëzit, më human dhe më të sistemuar,” – u shpreh Lukrovski.
Takimi synon të krijojë komunikim të drejtpërdrejtë me banorët, duke i përfshirë në mënyrë aktive në hartimin e politikave dhe projekteve të ardhshme komunale. Lukrovski ka theksuar në disa paraqitje të tij të mëparshme se transparenca, pjesëmarrja dhe zgjidhjet reale për nevojat lokale janë prioriteti i tij kryesor në këtë garë zgjedhore.
Takimi do të mbahet në ambient të hapur dhe është i hapur për të gjithë banorët e interesuar të Komunës së Karposhit.
📍 Lokacioni: Platon pranë “Mleçen”
🕗 Data & Ora: E hënë, 11 gusht 2025 | Ora 20:00
