GazetaMax
Lajme

Takim i Pendarovskit me Sait Saitin, sekretar i përgjithshëm i Kryqit të Kuq

Shkup, 2 qershor – Presidenti Stevo Pendarovski sot e priti Sait Saitin, sekretar i përgjithshëm i Kryqit të Kuq të Republikës së Maqedonisë së Veriut, me të cilin bisedoi për aktivitetet rrjedhëse të Kryqit të Kuq, duke e përfshirë punën vullnetare, si dhe bashkëpunimin me Kabinetin e presidentit.

“Sekretari i përgjithshëm Saiti theksoi se aktivitetet vullnetare të Kryqit të Kuq në dekadën e fundit shënojnë zhvillim pozitiv dhe informoi se në dy vitet e fundit Kryqi i Kuq, në raport me punën vullnetare u fokusua për mbështetje të grupeve të ndjeshme të qytetarëve të cilët ishin më se të goditur me pandeminë e KOVID-19”, ceket në kumtesën nga Kabineti i Pendarovskit.

Shefi i shtetit theksoi se Kryqi i kuq, si një nga organizatat më të mëdha vullnetare më të rëndësishme, e promovoi me sukses punën vullnetare duke iu ofruar mundësi të gjithë qytetarëve të interesuar të jenë pjesë e aktiviteteve të dobishme për komunitetin.

Presidenti dha mbështetje për angazhimin e vullnetarëve në punën e Kryqit të Kuq dhe shprehi falënderim për sakrificën, përgjegjësinë dhe përkushtimin në kryerjen e angazhimeve dhe aktiviteteve të tyre humanitare.

Related posts

Profil/ Ky është njeriu që kërkon të dëbojë Erdoganin nga zyra e tij

Gazeta Max

Surija Rashidi: Aleanca për Shqiptarët edhe më tej vepron si opozitë

Gazeta Max

A ia hodhën, apo ua hodhi? Ç’domethënie ka kandidatura e Taravarit për president në LEN, a e shpëton karrierën politike?

Gazeta Max