Ukraina refuzon kërkesën e Rusisë për të dorëzuar Mariupolin, Zelensky: Do zhvillojmë bisedime në Jeruzalem

Date:

Sot është dita e 26-të e pushtimit rus të Ukrainës. Gjatë mbrëmjes, Kievi u bombardua nga ushtria ruse duke lënë pas një person të vdekur. Situata më e rëndë është ende në Mariupol, ku numri i viktimave po rritet dita-ditës. Forcat ruse i dërguan një ultimatum autoriteteve të qytetit për t’u dorëzuar, por zyrtarët e Mariupol e refuzuan.

Katër persona u vranë kur disa ndërtesa banimi dhe një qendër tregtare u goditën nga bombardimet në Podol, lagjen historike të Kievit, njoftoi sot kryetari i kryeqytetit ukrainas, Vitali Klitschko. Sipas informacioneve janë prekur disa shtëpi dhe një nga qendrat tregtare.

Presidenti ukrainas Volodymyr Zelensky la të kuptohet sot se bisedimet e nivelit të lartë midis Moskës dhe Kievit mund të mbahen në Jerusalem dhe vlerësoi përpjekjet e kryeministrit izraelit Naftali Bennett për të marrë rolin e ndërmjetësit.

“Kryeministri i Izraelit, z. Bennett po përpiqet të gjejë një mënyrë për të zhvilluar bisedime”, tha Zelensky në një fjalim drejtuar popullit ukrainas të postuar të dielën.

“Ne jemi mirënjohës për përpjekjet e tij, në mënyrë që herët a vonë të fillojmë të kemi bisedime me Rusinë, ndoshta në Jerusalem. Ky është vendi i duhur për të gjetur paqen, nëse është e mundur”, tha ai.

Ministria e Mbrojtjes e Rusisë u bëri thirrje sot autoriteteve lokale në Mariupol që t’ia dorëzojnë qytetin forcave ruse. Rusia ka vendosur një afat për dorëzimin e Mariupolit në orën 5 të mëngjesit (koha e Moskës).

e-max
e-maxhttp://gazetamax.mk
www.gazetamax.mk

SHPËRNDAJE

TË FUNDIT

Lajme të ngjashme
Lajme

E keni dëgjuar super bashkëpunimim ” Oda në Gyrbet” nga Besim Zeqiri e Muhamet Gashi?

Ata janë artistë të njohur të folkut shqiptar, me...

Njihuni me Bajrush Berisha që solli në Ramazan “Mirësevjen Dashuri”

Ai është vetëm 22 vjeç por që kur ka...

Grubi: Ftoj edhe VMRO-në të kontribuojë në ndërtimin e Maqedonisë europiane

Në fjalimin e tij në foltoren e Kuvendit të...

Flamur Rudi djali nga Prizreni që mendon për atmosferën e shqiptarëve në Gjermani

Ai është një djalosh bukurosh me origjinë nga Prizreni...