GazetaMax
Lajme

Varheji pret dritë jeshile nga Sofja që Maqedonia të fillojë negociatat

Shkup, 20 maj – Komisari i BE-së për Zgjerim dhe Fqinjësi të Mirë Oliver Varhej, pas takimit në Bullgari me presidentin Rumen Radev, kryeministrin Kirill Petkov dhe ministren e Punëve të Jashtme Teodora Gençovska, pret nga Sofja në afat prej tre javësh të pajtohet për fillimin e procesit negociator me Shkupin.

Komisari i BE-së Varhej në Tuiter shkroi që së shpejti do të kthehet në Sofje për të gjetur zgjidhjen e përbashkët të pranueshme për hapjen e negociatave me Maqedoninë e Veriut.

“Takimi intensiv me ministren Teodora Gençovska në Sofje. Bisedat për pasoja të drejtpërdrejta nga lufta në Ukrainë për Ballkanin Perëndimor dhe më gjerë. Punojmë në zgjidhje të përbashkët të pranueshme që të mund të fillojmë negociata me RMV-në dhe Shqipërinë me mbajtjen e konferencën ndërqeveritare në qershor. E vlerësojë dialogun e hapur me presidentin bullgar Rumen Radev. Vlefshmëria që të kemi Ballkan Perëndimor të qëndrueshem dhe prosporues nuk ka çmim. Në këtë kontekst, kontribut i jashtëzakonshëm do të ishte mbajta e konferencës së përbashkët ndërqeveritare me Maqedoninë e Veriut dhe Shqipërinë. Duhet të punojmë së bashku në këtë. Për tre javë do të kthehem në Sofje për të gjetur bazë të përbashkët dhe mbështetje nga Bullgari, për të filluar procesin negociues me RMV-në në qershor”, shkroi Varheji.

Related posts

Momenti kur ekipet e shpëtimit, nxjerrin burrin nga rrënojat e ndërtesës së shkatërruar në Kharkiv nga bombardimet ruse

Gazeta Max

MASh për kritikat e KE dhe skandalet me librat: Punojmë për cilësi, gabimet do të përmirësohen ose librat do të tërhiqen

Gazeta Max

Pas pauzës vazhdon debati për Propozim buxhetin e plotësuar për vitin 2023

Gazeta Max