GazetaMax
Lajme

Vrasje brutale në xhami, Macron: Urrejtja fetare s’ka vend në Francë

Presidenti i Francës, Emmanuel Macron, ka dënuar ashpër sulmet raciste dhe urrejtjen pas një incidenti tragjik që ndodhi në jug të vendit, ku një musliman nga Mali u vra brutalishëm me thikë në një xhami.

Macron theksoi se “racizmi dhe urrejtja e bazuar në fe nuk mund të kenë vend në Francë,” duke shtuar se liria e adhurimit duhet të mbrohet në çdo rrethanë.

Sulmi ka ndodhur në fshatin La Grand-Combe, në rajonin Gard, ku Aboubakar Cisse, një i ri nga Mali, u godit me thikë dhjetëra herë, dhe kjo u filmua nga sulmuesi, i cili bërtiste dhe ofendonte Islamin. Aktualisht, sulmuesi është në arrati dhe autoritetet po hetojnë motivet e tij, duke përfshirë mundësinë e islamofobisë si një nga shkaqet që po shqyrtohen.

Në reagimin e tij, Macron ofroi mbështetje për bashkëqytetarët myslimanë të Francës, duke deklaruar se urrejtja dhe dhuna ndaj grupeve të ndryshme fetare nuk mund të tolerohen në shoqërinë franceze.
Kryeministri François Bayrou e quajti sulmin një “mizori islamofobike”, ndërsa Ministri i Brendshëm Bruno Retailleau ka urdhëruar forcimin e sigurisë në xhamitë e vendit për të parandaluar ngjarje të ngjashme në të ardhmen.

Ky incident ka shkaktuar një tronditje të thellë, dhe më shumë se 1,000 qytetarë marshuan në La Grand-Combe për të nderuar viktimën.

Related posts

Viti 2022, viti i kaosit në transportimn publik në Shkup

Gazeta Max

“VMRO-vcat ditën flejnë, natën bëjnë zullum”

Gazeta Max

Mjegulla e dendur, 10 fluturime të anuluara në aeroportin e Shkupit

Gazeta Max