Sot pata një takim pune me Ambasadorin e Republikës së Bullgarisë në vend, Sh.T. Zhelasko Radukov.
Në takim u konfirmuan përpjekjet për të ruajtur dhe аvancuar marrëdhëniet midis dy vendeve fqinje, dhe në veçanti u konfirmua bashkëpunimi i shkëlqyer midis Ministrive të Punëve të Brendshme, në të cilat punojnë profesionistë të nivelit të lartë.
Vëmendje e veçantë iu kushtua edhe diskutimit të mundësive për thellimin e mëtejshëm të bashkëpunimit të frytshëm tashmë të vendosur, si nga aspekti i marrëveshjeve dypalëshe, ashtu edhe nga aspekti i bashkëpunimit të ndërsjellë operativ të Ministrive të Punëve të Brendshme të të dy vendeve. Kështu, ne shprehëm gatishmërinë tonë të pakursyer për thellimin e mëtejshëm të saj.
Njëherit, në takim u diskutua edhe bashkëpunimi i ndërsjellë në kuadër të organizatave ndërkombëtare dhe nismave rajonale që janë me interes të përbashkët dhe kontribuojnë në ruajtjen dhe forcimin e sigurisë, stabilitetit dhe prosperitetit rajonal.
