Shkup, 25 dhjetor – Me kërkesë të kryetarit të Komunës së Krushevës drejtuar Qendrës për Menaxhim me Kriza sot në kërkim në rajonin e Krushevës pas personit të zhdukur Kiro Puponoski, janë përfshirë forcat e Armatës me rreth 100 pjesëtarë të armatës dhe një qen nuhatës, si dhe me mjetet e duhura materialo-teknike, informojnë sot nga Qendra për Menaxhimi me Kriza.
Kërkimet, sipas informacioneve të QMK-së, vazhdojnë në vazhdimësi që nga momenti i raportimit në MPB, nga ora 14:45 në Stacionin Policor (SP) Krushevë të enjten, më 22 dhjetor të këtij viti.
Janë kontrolluar të gjitha vendet përreth, brezat pyjorë, vendet fushore dhe vendbanimet e fshatrave. Në mbrëmje, kërkimet vazhduan në qytet, vendbanime (kasolle, shtëpi të braktisura, stalla) dhe vende të ngjashme. Helikopteri i policisë që ishte në kërkim është tërhequr në orën 16:00.
Siç informuan nga familja e personit të zhdukur, në info-apelin e transmetuar nga media për opinionin e gjerë, personi vuante nga demenca, mbante syze, ndërsa ditën e zhdukjes ka qenë i veshur një bluzë të zezë dhe tuta të zeza me vija të bardha.
