Tetovë, 6 janar – Zjarrfikësit e Tetovës kanë intervenuar pasdite në zjarrin që shpërtheu në një dyqan në Qendrën tregtare të qytetit. Për shkak të zjarrit mbi objekt ka dalë tym i dendur, ndërsa sipas informacioneve të para, nuk ka persona të lënduar.
Sipas informacioneve nga zjarrfikësit, zjarri shpërtheu në një dyqan në katin e tretë, i cili nuk shfrytëzohej aktivisht, por shërbente si depo.
“Zjarri u raportua në orën 15:40. Menjëherë është ndërhyrë me dy automjete zjarrfikëse dhe zjarri është shuar brenda një kohe të shkurtër. Nuk ka të lënduar, por vetëm dëme materiale”, ka bërë të ditur Avni Ameti nga NJTZ Tetovë.
